Arab WoorldArab Woorld  الرئيسيةالرئيسية  اليوميةاليومية  س .و .جس .و .ج  بحـثبحـث  قائمة الاعضاءقائمة الاعضاء  المجموعاتالمجموعات  التسجيلالتسجيل  دخولدخول  




الخميس 25 أكتوبر 2012, 10:47
نظام بن علي اوراقة تحت الطاولة ..وهذومة اللعب على المكشوف.
معلومات العضو
الكاتب:
اللقب:
عضو مبدع
الرتبه:
عضو مبدع
الصورة الرمزية


البيانات
عدد المساهمات : 1057
نقاط : 2045080
تقييم : 1165
تاريخ الميلاد : 24/01/1992
تاريخ التسجيل : 28/03/2012
العمر : 24

الإتصالات
الحالة:
وسائل الإتصال:
معاينة صفحة البيانات الشخصي للعضو http://www.arabwoorld.com
إعلانات


نظام بن علي اوراقة تحت الطاولة ..وهذومة اللعب على المكشوف.






وعليكم السلام
اذا كان نظام بن علي مخلوع تونس كان يخدم تحت الطاولة فهؤلاء فوقها
وبالمكشوف وزيادة ..في كل مرة يتحفنا مجلسنا التاسيسي الموقر بنادرة مضحكة
مبكية في الان نفسه ..يتحفنا بشطحات اقل ما يقال عنها انها شطحات الرقاص
وبالاحرى الزربوط ..ويا عيني على الثورة واش جابت تونس وثورتها ..ذكرتني
بهاك الاغنية امتاع جماعة التعاضد في السبعينات ..تحيا تونس وذراريها
عليها الخير يدز ..تونس سعدت باذراريها كي جاها سي احمد ..والبقية موش
مجالها طبعا ..الظاهر بالمجد بلغ شعبنا من النضج والوعي ما يستحق حياة
كريمة وهنيئة لكافة مكوناته ..هذا الكلام وان كانت الجمل مختلفة قالها
المرحوم فرحات حشاد منذ بداية الاستقلال وقبل استشهاده واللي جاء بعدها ركب
عليها ولحنها وعمل ليها بروفة على مقامه كيما المخلوع في انقلابه الاسود
وقتها باش ما يكذب حد تقريب واحد في الالف اللي قال انقلاب اسود اغلب خلق
ربي قالوا انقاذ موش انقلاب وسلمي وابيض حليب ..اش علينا من تحيير المواجع
والذكريات الماضية خلونا في حاضرنا وفي حضرة نخبنا السياسية وشعبنا اللي
غالبيته عياشة ..لا يهمها في تجريم التطبيع ولا حاجتها يتحط في الدستور
والا في المطمور ..اكثر من خمسين سنة على الاستقلال ولا حد حل فمه وقال
كيفاش بلادنا تسير ؟ واشنية اللي فوق الطاولة واشنية اللي تحتها؟ شر والا
خير؟ ولا حد قال اشنية علاقتنا مع الكيان العبري الصهيوني ؟ وكان القضية
وقتها امور ثانوية كيما الديسار اذا توجد وحضر مافيها باس وكان الحال حال
الله مافيها باس والخبزة مرة والدنيا ماشية ولا دايمة لاحد ..باش ما انطولش
عليهم والقلب امفلقط وزادوا على مرمته نوابنا وساستنا الاساوش اللي ما
جابتهم كان تونس على الاقل من بعد الاستقلال وانت جاي الى عصرنا وجيلنا
الحاضر هؤلاء يصح القول عن اعمالهم يتعلموا في الحجامة حاشاكم في روس
اليتامى ..تقلي كيفاش ؟ انقلك اشكون طلب منهم وضع بند في التوطئة امتاع
هاالدستور اللي الى حد الساعة ما سهلش ربي وطلع للدنيا ورتح العباقرة
امتاعنا ورتحنا من فترة المخاض اللي فاتت فترة الحبالة ..بند يجرم التطبيع
مع الكيان الصهيوني ..ثم تتقلب المشامية في اخر لحظة وتتخلط الاوراق ويتم
حذفه جهار نهار بهار ..بربي هذا اش يتسمى يا عباد ربي ؟ فضحوا رواحهم
بارواحهم ولا حد فضحهم ..اش لزهم ؟ اش لزهم للواد اللي يهزهم ؟ اش لزهم باش
يورطوا رواحهم امام شعبهم وامام امتهم العربية والاسلامية اللي اغلبها في
الهوى سوى ولا واحد فيهم عنده في دستوره بند يجرم التطبيع ولا شعوبهم
طالبتهم والزمتهم باش يعملوه ؟ تجيء الكورة عند الذكورة ويدزوا صدورهم
ويقولوا احنا ولا احد اولاد ثورة وباش نعملوها وباش انكونوا قدوة للعرب
المتخاذلين والمنبطحين للاعداء ..وماذا كانت النتيجة السباحة عكس التيار
..امالة علاش اتلوموا على النظام البائد اللي كان يلعب لعبة الغميضة وامدور
بيه الاسلاك الشائكة علاقات سرية وان كانت حتى مع الشيطان ولا واحد نجم
يكشفه والا يتجرا ويالب الشعب ضده في هاته المسالة.. النظام المقبور ماكانش
يلعب على المكشوف في علاقته... وفي الظاهر يرفض التطبيع وحتى العلاقات مع
الصهاينة وفي الباطن ربي العالم اش كان يدور ويجري في البلاد ..تي اعملتوا
كيفوا كي الحكاية اكبر من حجمكم ؟ تي خليتوها في المهموتة والمدفونة ؟؟؟ولا
اش قالك اش قال عليك؟؟ ضحكوا علينا اللي يسوى واللي ما يسواش بتسرعاتهم
وشطحاتهم ولخبطاتهم وشخبطاتهم اللي سئمها الشعب وضحكت عليها الشعوب الاخرى
ووسائل اعلامها المختلفة ؟
المرة الجاية اعملونا بند يقر العلاقات التامة والشاملة والكاملة مع
اسرائيل والعبوها على المكشوف وخلوا الشعب يتهنى ويرتاح وينعم بالثورة اللي
انجبتكم وما زالت تنجب واتزيد ..وتحيا الثورة ومجلسها التاسيسي ..لا قبلهم
ولا بعدهم ما فيشي .
ويسلم عليهم العقل. والسلام بالعافية وصل.


المصدر: Arab Woorld


الــرد الســـريـع

مواضيع ذات صلة



القسم العام :: 

المنتدى العام

Loading...